【明報專訊】嶺南大學噚日舉行「榮譽院士頒授典禮2017」，頒授榮譽院士畀5個人，表揚佢哋喺社會嘅貢獻，其中包括北河燒臘飯店老闆「深水埗明哥」陳灼明（右二），同埋喺球隊東方龍獅做技術分析嘅「牛丸」陳婉婷（中）。明哥話細個好窮，得小學教育程度；佢喺深水埗派飯畀露宿者同老人家而廣為人知，就算新年都堅持開舖，希望基層有平價飯食。而牛丸就帶領東方球隊奪得港超聯冠軍，係全球第一個帶領男子職業足球隊拎到頂級聯賽冠軍嘅女教練。
