教局請IT兼職 要CS學位教育證書6年中學經驗

【明報專訊】特首林鄭月娥競選時，教育係其中一個佢好關注嘅範疇，政綱提及加強推動STEM嘅教育，研究增加對學校相關資助嘅金額，並盡早將電腦程式編寫（coding）引進學校課程。政府9月底就出招聘廣告，聘請兼職項目經理（編程教育），不過呢個招聘引起唔少IT人熱議，連立法會資訊科技界議員莫乃光都喺facebook批評，「俾個超人你吖？不過都係做散工。香港政府對IT人嘅態度就係咁」。