【明報專訊】前晚中秋佳節，唔少人都一家人去食飯慶團圓，鮮魚行學校前校長梁紀昌都同屋企人去酒樓食飯，大快朵頤之後埋單之際，經理話「已經買咗單喇！」。原來酒樓老闆係鮮魚行嘅校友，話因為梁校長護校有功，保住母校，老闆要請佢食飯，梁紀昌就話好欣慰，「做老師最大回報係見到學生有成就」。
