學聯撥百萬元支援抗爭者

【明報專訊】香港專上學生聯會（學聯）最近通過成立一個100萬元嘅「抗爭者支援基金」，作為支援抗爭者嘅法律開支，同埋補貼抗爭者同家人嘅日常使費等。學聯代表會副主席劉昕雋話，相信佔中案、旺角大衝突案同反新界東北發展示威刑期覆核案等被告，同埋在囚抗爭者，都有資格申請呢個基金，強調唔會排斥某啲案件嘅抗爭者。