【明報專訊】聽日就係中秋節，唔少長者未必有能力買得起月餅，同時每年亦有大量月餅去咗堆填區，中大連續第三年推出「中大愛心月餅」，今年共賣出超過530盒月餅。中大每賣一盒，就會另外捐一個出嚟，加埋有校友捐晒成盒，最終有成千個月餅可以送畀獨居嘅公公婆婆。過去兩個星期，由超過150個「中大 ‧關懷服務團」義工負責運送到住喺大埔同馬鞍山唔同屋邨嘅長者（圖），除咗月餅，仲有福袋𠻹。賣月餅所得嘅6萬元利潤，就捐晒畀中大I‧CARE博群計劃，支援學生個人成長同發展。
