【明報專訊】民主黨黃碧雲早前喺立法會財委會審議教育撥款時，有見會議時間無多、民主派又提出大量臨時動議，主動要求縮短傳召議員表決嘅時間，結果引起小風波；立法會主席梁君彥噚日接受網台訪問時，被問到建制派當時無阻止臨時動議，係咪要畀顏色民主派睇呢？梁君彥不點名話，如果泛民要又食又拎（有泛民圖以臨時動議阻會議進度，同時又想令撥款通過），又要對家「啃咗件事」，「唔得㗎嘛，呢個世界無咁着數」。
