理大特製服裝 方便殘疾者自理

【明報專訊】由於行動不便，長者同殘疾人士著衫同選擇衣服都面對唔少困難，理工大學紡織及製衣學系轄下康健服裝中心就因應佢哋嘅各種需要，度身訂做特別服裝。30歲嘅李澔勤10年前遇上交通意外，膊頭以下癱瘓，換褲時特別麻煩，中心就為佢設計咗一款褲，褲管兩邊都以拉鏈連接，拉開後變回兩幅布，一前一後，穿著非常方便。