【明報專訊】唔少團體、機構都趁今年係回歸20周年舉辦各式活動，第六屆九龍倉全港中學生繪畫比賽今年就有以「香港‧海港‧20載」做主題嘅特別獎，鼓勵年輕人透過畫作抒發對香港嘅情懷。今次比賽總冠軍兼奪得特別獎嘅，係畫《消失的冬菇亭》嘅救恩書院中六同學孫日正（圖），佢喺畫中描繪昔日冬菇亭嘅熱鬧情景，表達佢對舊時代同「集體回憶」充滿眷戀之情。冬菇亭係舊公屋內嘅熟食亭，但近年已愈來愈少，係市民集體回憶之一。
