警車借泊皇仁 學生校友促解釋

【明報專訊】前日「全民拒絕假普選」遊行喺維園出發，位於維園對面嘅皇仁書院就臨時被借用嚟泊警車，有校友質疑警察憑咩可以徵用球場，反問今次可以泊車，之後係咪可以喺官校成立對付示威者嘅部署中心。有學生網上發起學生及舊生聯署，要求校方同警方畀一個詳盡、合理嘅書面解釋，到噚日下晝6點已經有300人聯署。