【明報專訊】中文大學專業進修學院（CUSCS）踏入50周年，噚日舉行金禧院慶開幕禮，當然唔少得中大校長沈祖堯現身主禮，佢話自己30年前啱啱喺醫學院畢業時，就報讀過CUSCS嘅書法課程。大家都知沈祖堯做咗中大校長後落力學書法，噚日佢一顯身手，寫咗「天人合一」幾隻大字（源自新亞書院創辦人錢穆嘅著作〈天人合一論〉），佢仲好盞鬼咁同CUSCS院長陳寶安一齊用個相框框住自己影相，再次施展「祖堯BB」嘅魅力。
