經濟

小琴密語

投資策略

下一篇
上一篇

匯豐僱員明年獲「加假」

【明報專訊】𠵱家打工仔除咗睇錢,亦好睇「work-life balance 」,僱主請人除咗加價亦都要「加假」。作為全港最大僱主之一嘅匯豐銀行,噚日宣布出年開始增加年假同產假,可謂羨煞旁人。

匯豐指出年1月1日起,職位等級5至6(主要係中低層員工)嘅香港僱員,有薪年假將由22天增加至24天,估計一半香港員工受惠,涉及超過11,000名僱員。另外,同日起全職僱員嘅有薪產假同領養假將由14周增加至16周,侍產假維持10天。產假同領養假後,仲可以繼續享有兩周嘅彈性上班安排。

行內人都知喺匯豐工作壓力好大,但至少佢哋深明要做個貼地僱主,一定要「加假」,提高自己作為僱主嘅競爭力。唔知有議員知道後,會唔會又覺得「一日都唔應該有」呢?

[小琴密語]

上 / 下一篇新聞