港聞

港聞二

上一篇

基哥搞集氣會 唔鬥人數

【明報專訊】九龍西立法會補選仲有兩個幾星期就投票,民主派支持嘅工黨李卓人同建制派力撐嘅陳凱欣,下星期分別搞造勢大會,參與嘅人數以百計。另一候選人馮檢基噚日發採訪通知,預告今日下晝會喺深水埗西九龍中心隔籬空地搞「集氣大會」。Emily向基哥了解規模,佢話唔係鬥大規模,最重要係表達政治理念、參政目標,嗰個空地只係放到50張櫈。

話最重要係表達政治理念

至於有咩人撐場,基哥就神神秘秘話到時就知,只係講無邀請民主派同建制派,而係喺九龍西嘅居民、義工群組度邀請大家到場「集氣」。佢話到時會講自己目標係希望香港同九龍西「撐住!重新好起來」,重申佢參選目標並唔係呢個所謂「關鍵一席」。

補選候選人仲有曾麗文同伍廸希。

相關字詞﹕李卓人 伍廸希 曾麗文 陳凱欣 九龍西立法會補選 馮檢基

上 / 下一篇新聞