港聞

港聞二

下一篇
上一篇

港鐵派高鐵票畀員工 毛姨姨質疑為谷數

【明報專訊】高鐵香港段通車個幾月,但係每日客量同政府早前預測嘅8萬人次有段距離。民主派會議召集人毛孟靜(Miss Mo)前日收到港鐵員工通報,話港鐵內部出通告,表示為答謝員工為高鐵開通付出嘅努力,會向港鐵全職香港員工,免費送出兩張高鐵二等座車票,佢哋可以帶同一個家屬搭高鐵來回西九龍總站至福田或深圳北。Miss Mo計過數,港鐵有約1.7萬名員工,如果每個員工都帶家屬出行,索取兩套來回車飛,咁樣送飛就要花大約550萬,為高鐵帶嚟約3.4萬客量,佢質疑港鐵咁做係想「谷高」坐高鐵嘅人數。

內部通告表示答謝員工努力

Miss Mo話曾向港鐵查詢邊個出錢,對方答覆會由港鐵全資支付;Miss Mo批評港鐵係上市公司,政府擁有佢七成股權,但港鐵就無公開交代安排,一邊年年加價,一邊隨意使錢。根據Miss Mo獲港鐵員工提供嘅車票換領證,免費飛唔適用於高峰期班次,最後乘搭日期係下年6月底。

每人兩張 約涉550萬元

公民黨譚文豪都好關心事件,話高鐵承載量遠遠不達標,形容港鐵送飛畀員工係「買人頭、湊夠數」。佢話高鐵收入港鐵要同內地「拆帳」,質疑港鐵出錢買飛,會唔會令港鐵收入減少等,會去信立法會鐵路事宜小組委員會,要求港鐵解釋。

上 / 下一篇新聞