經濟

小琴密語

投資策略

下一篇
上一篇

新地股東會 餐盒有驚喜

【明報專訊】新地(0016)股東會向來多長情股東捧場,噚日集團喺灣仔新鴻基中心總部搞股東大會,就畀咗一個小驚喜大家,將以往分發畀到場股東的餐盒轉了由旗下五星級酒店帝苑酒店提供,仲派咗成700份!

旗下帝苑酒店提供

眾所周知,帝苑酒店嘅餐廳、西餅都好出色,今次新地派畀股東嘅帝苑餐盒(見圖),有別於一般股東會只派西餅兩三件,而係每套有3個餐盒連飲品,備齊咸甜點。餐盒內包括帝苑最出名的芝麻蝴蝶酥、班蘭奶皇包、蟹籽燒賣,以及越式小食等。不少股東見到餐盒都非常開心,單計甜品都有4款,貼咗新地Logo喺上面,賣相都頗吸引。

至於新地股東會就如常進行,未有再提及前主席郭炳湘離世一事或設默哀等環節,而且在未有股東提問下,約半小時就完結。

email:piano@mingpao.com

[小琴密語]

相關字詞﹕郭炳湘 股東大會 新鴻基中心 芝麻蝴蝶酥 帝苑酒店 新地 小琴密語

上 / 下一篇新聞