港聞

港聞二

上一篇

集資23萬 學聯出回歸後學運史

【明報專訊】學聯喺學運上都扮演重要角色,繼早前舉行晚宴一班老鬼現莊齊齊聚頭後,近日就希望出書記錄1997年香港政權移交之後嘅學運,框架包括各大專院校嘅校園運動史,以至學聯歷史、各學運議題,希望整理文件、口述歷史材料,了解吓受訪者參與學運嘅政治氣候、對個人前途影響等,仲會特意飛去馬來西亞採訪𠻹。

本書預計2020年6月出版,成個計劃預算23.8萬元,當中包括請編輯、印刷及搞發布會等開支,除咗募捐之外,編輯團隊都會嘗試接觸唔同基金申請資金。

團隊成員之一、學聯前秘書長陳旻羲(Jacky)同Emily講,佢哋暫時訪問咗1997至2000年間幾名學生領袖,人名就要賣個關子,至於點解要飛大馬採訪,佢話本書會講過去學生組織同亞洲青年團體嘅歷史,當年曾經同香港團體緊密合作嘅朋友,𠵱家都身處大馬,所以要飛過去訪問。

相關字詞﹕學聯 青年 emily

上 / 下一篇新聞