港聞

港聞二

下一篇
上一篇

教育辯論得1人發言 其他議員各自解畫

【明報專訊】《施政報告》致謝動議一連3日辯論,總共分5個範疇,Emily噚日提到,前晚辯論教育、人力環節時只得社會福利界議員邵家臻一人發言後就完咗,到底前晚其他關注教育嘅議員去咗邊呢?

教育界議員葉建源同Emily講,教育界就《施政報告》做調查,至周三先收番晒啲數據,佢當晚喺度整理緊資料,希望準備好展示板等用具先發表意見。民主黨教育政策發言人許智峯就話,當晚佢去咗鴨脷洲落區,夜晚9點幾返到金鐘,同事就通知佢該環節已經完咗。

民建聯張國鈞(Horace)就解釋,議員喺唔同範疇合共有30分鐘發言時間,通常唔少議員喺第一節講多元經濟都會講晒30分鐘,一般而言起碼第二日先開始講教育,點知當晚第一節比想像中早完。Horace話佢當晚連走兩場主禮,但強調邊個範疇發言其實分別不大,主席都唔會話你離題。工聯會何啟明就話當晚去咗開居民會,「冇理由3日都唔開居民會,要聽意見」,最終返到立法會已是夜晚9點,已經完咗環節。

噚日動議討論民生等環節,唔少議員就把握機會講番教育議題,雖然無被主席阻止,但對口官員、教育局長楊潤雄就唔在席喇。

相關字詞﹕許智峯 工聯會 葉建源 民建聯 emily 民主黨

上 / 下一篇新聞