經濟

小琴密語

投資策略

下一篇
上一篇

日清杯麵多元化 每年350款新產品

【明報專訊】臨近冬天,喺深宵時段食個熱辣辣杯麵,真係一個極邪惡但又超滿足嘅選擇,𠵱家市面上嘅杯麵五花八門,有芝士味、又有黑松露味,但最受歡迎嘅始終都係海鮮味嘅合味道杯麵。小琴早前有幸採訪日清食品社長兼行政總裁安藤宏基,問到佢最鍾意食咩味杯麵,佢就唔肯講,但就透露原來海鮮味配方係佢40年前研發出嚟㗎!

盼售賣「度身而設」杯麵

安藤宏基就話,𠵱家新一代追求新口味,所以要用唔同產品同策略接觸佢哋,而麵係一種彈性高、變化大嘅食物,所以日清每年都會推出350款新產品,維持新鮮感同吸引新客戶。安藤宏基話,香港最好賣嘅產品仍然係海鮮味嘅合味道杯麵,佢仲話,香港消費者對食嘅要求好高,所以香港好賣嘅產品,喺內地一定會爆紅。佢又提到,隨着科技發展迅速,未來會繼續增加產品種類,希望用更低嘅成本生產「款式多、批量少」嘅產品,日後希望可以大規模售賣「度身而設」嘅杯麵。

email:piano@mingpao.com

[小琴密語]

上 / 下一篇新聞