港聞

港聞二

上一篇

反駁指控 阿廷兆堅赴澳膳食自費

【明報專訊】民主黨早前發起「天下為公」眾籌調查UGL事件,該黨立法會議員林卓廷、尹兆堅上周四飛去澳洲,向執法機關報案同會見律師團隊,不過此行就被專欄作家屈穎妍質疑佢哋「帶着捐款去旅行」。阿尹同阿廷噚日話,澳洲行除咗交通同住宿由「天下為公」支付之外,膳食都係佢哋自費。阿尹仲同Emily強調,因為係市民嘅錢,所以盡力將使費壓到最低,選擇最平嘅交通,甚至試過由酒店步行半個鐘去律師樓。

阿廷就憶述,佢哋最貴一餐係請當地律師食飯答謝,都係自掏腰包,強調冇好似屈穎妍所講「食大餐、品紅酒」,最多只係自己畀錢買杯啤酒放鬆吓。阿廷仲講笑話,佢哋搭飛機坐經濟艙,同阿尹一齊坐逼到瞓唔到。佢批評屈穎妍嘅說法失實涉誹謗,但就話希望咁就告一段落,無意興訟。

上 / 下一篇新聞