港聞

港聞二

下一篇
上一篇

致謝議案辯論 教育政策僅邵家臻發言

【明報專訊】立法會噚日就《施政報告》致謝議案辯論,成個朝早同下午,好多個議員就住「明日大嶼」等議題講咗好多個鐘,到咗夜晚8點42分左右,終於進入第二個辯論環節,辯論有關人力事務、教育及青年方面嘅政策範疇。點知到咗呢個時候,議會內人影凋零,僅得社福界議員邵家臻一個發言,Emily望住個輪候發言人數一直都係維持住「0」,一度以為自己睇錯。

邵家臻就住青年政策,話政府有時用懷柔方法去管束青年嘅思想行為同價值觀,例如係國民教育同基本法教育等,佢一個人講咗12分鐘。教育界議員葉建源或各黨嘅教育事務發言人,統統無影,會議廳空空如也。

無人講嘢,除咗勞工及福利局長羅致光重點回應邵家臻批評有關收入不均問題,其他3個司局長就大多對住發言稿,對住空氣講嘢。於是,近9點半就完咗第二個辯論環節,歷時一個鐘都無。

相關字詞﹕教育 立法會 施政報告 邵家臻

上 / 下一篇新聞