港聞

港聞二

下一篇
上一篇

教聯聯署望彈性用教員薪水 教協:非常危險

【明報專訊】早排教聯會發起聯署,話今年份《施政報告》喺幼稚園教育着墨好少,令到成個幼教界都好失望;佢哋話有唔少幼稚園仲面對緊資源不足嘅問題,要求教育局檢討現行免費優質幼稚園教育計劃。聯署第一項要求即時調高每個幼稚園學童嘅資助額,並容許將教學人員薪酬(60%)及營運開支(40%)嘅資助共通使用,以增彈性,應付幼稚園基本營運需要。

教協:幼師自毁保護網

教協噚日就喺facebook發文,不點名咁批評「有團體」要求教育局取消幼稚園資助嘅六四比例限制,教協話唔認同呢個建議,仲提醒埋幼師會員,叫佢哋睇清楚,「切勿自毁幼師目前僅有的薪酬保護網」。

教協話政府限定幼稚園要將最少六成資助用喺教師薪酬上,就係為咗回應幼教界對一筆過撥款嘅憂慮,而個「團體」嘅建議,係變相容許學校用幼師薪酬補貼其他開支,如果幼師聯署咗,就等同無咗保障,話「此舉非常危險」。教協又話明白有啲幼園營運困難,可以一齊同政府爭取加資助,但就唔應該用教師薪酬支付其他營運。

上 / 下一篇新聞