港聞

港聞二

下一篇
上一篇

朱凱廸偕戰友選村代表 「如被DQ也感光榮自豪」

【明報專訊】明年1月嘅鄉郊代表選舉明日開始報名,立法會議員朱凱廸、南區區議員司馬文早前發起《綠色鄉村約章》,佢哋噚日聯同另外3名聯署人香港眾志常委廖偉濂、「海下之友」創辦人David Newbery、西貢北港村民何潔儀宣布參選,用「民主透明、革新鄉政」做口號。

口號「民主透明 革新鄉政」

2016年參選立法會時打着挑戰新界「官商鄉黑」勾結旗號嘅阿廸話,參選係「衝住27鄉鄉事委員會改革而來」,認為鄉委會主席影響力大,可成為區議會當然議員、特首選委,可是選舉相當「黑暗」,認為應由間選改為村民一人一票選出,促請政府草擬新法例,清晰界定鄉委會權力、工作。

劉小麗被DQ無法參選後,選舉主任嘅DQ理由中,阿廸亦被提及,被問到擔唔擔心被DQ時,阿廸話會為過往所有說話負責,唔會簽署「確認書」,形容如果被DQ,佢最後一次喺香港參選就係選元崗新村村代表,會感到光榮自豪。

香港眾志常委周庭早前因其政治聯繫被DQ,5人中嘅唯一原居民廖偉濂話佢唔會填政治聯繫、唔會簽確認書,唔評估自己被DQ風險。佢話參選係想顯示原居民都可以代表民主、公義,唔係只有自私自利。

相關字詞﹕emily 香港眾志 朱凱廸 鄉郊代表選舉 鄉議局

上 / 下一篇新聞