港聞

港聞二

下一篇
上一篇

鄭若驊署任特首 首主持行會

【明報專訊】首屆中國國際進口博覽會(進博會)正喺上海舉行,特首林鄭月娥前日飛咗去上海,今晚完成行程返港,佢離港期間由律政司長鄭若驊署理特首職務,包括今日首次主持行政會議。特首同另外兩個司長都唔喺香港,但鄭若驊會一如慣常做法,喺行會召開前先會見傳媒,平時比較少啲回應傳媒嘅佢會唔會吸引更多提問呢?

特首唔喺香港,照理應由政務司長張建宗署任,張建宗原來去咗瑞士日內瓦出席聯合國人權理事會會議,10號先返到香港。Emily聽聞,過往呢個會議係由政制及內地事務局官員帶隊,今次張建宗出馬,真係高層次喇。

問及或換張建宗報道 林鄭:揣測

另外,《星島日報》噚日嘅政治專欄提到官場傳出林太有意喺中期「換馬」,並點名張建宗最有可能被換,指林太對張建宗私下亦頗有「微詞」,「據聞林鄭心目中已有人選,但最終能否成事,就不得而知」。

林太噚日喺上海亦被傳媒追問呢件事,佢就話報道係「揣測性」,目前無任何呢方面嘅計劃,即使係改組政策局目前亦無計劃,因為政府有好多其他事做緊,佢唔想花太多精力喺改組上。

相關字詞﹕陳茂波 張建宗 林鄭月娥 鄭若驊

上 / 下一篇新聞