港聞

港聞二

下一篇
上一篇

阿人造勢 阿文踩場打爛塊板

【明報專訊】距離九龍西補選仲有三星期,噚日工黨李卓人同公民黨喺美孚造勢,但遇上另一候選人踩場。話說公民黨黨魁楊岳橋(AY)呼籲支持李卓人後,曾麗文突然走出嚟,AY笑笑口問佢「你都支持李卓人?」李卓人想將佢候選號碼「3號」嘅發泡膠板放喺曾麗文前面,點知曾麗文接過並整爛,仲大嗌「你呃人,呢個黨出賣美孚人」。在場街坊向佢喝倒彩後,曾麗文就報警並離開。

曾麗文同Emily講當時希望過去派傳單,「話畀佢哋聽我存在,唔好再呃人」,但公民黨成員反而話佢支持李卓人,令佢覺得「塊板真係好討厭」、「打爛塊板係好自然嘅事」。曾麗文話其後畀在場市民圍,其間畀街坊手上傳單嘅角刮到,有見義勇為嘅市民建議佢報警。

人哥話,估唔到曾麗文會毀壞塊板,譴責一切選舉暴力,佢認為有唔同意見應透過政策討論搞清楚,唔係用咁嘅方法引起注意。

稱畀傳單刮到 報警後離開

另一候選人、食衛局前政治助理陳凱欣,噚日先後去元州邨、黃埔等拉票,獲唔少建制派站台。其他候選人仲有馮檢基同伍廸希。

上 / 下一篇新聞