港聞

港聞二

上一篇

馮家強返「娘家」 教協招聘總幹事

【明報專訊】教協噚日出廣告聘請總幹事,原來現任總幹事馮家強唔撈。馮喺facebook交代原因,話明年1月會重返「娘家」綠色和平,擔任駐首爾嘅綠色和平東亞分部行政與區域發展總監,離開做咗4年嘅教協。馮家強去教協前就喺綠色和平工作。佢又話近期思考自己喺社會運動嘅角色,又話氣候變化等環境問題𠵱家更見迫切,希望喺呢方做啲工作。

教協話感謝馮家強嘅貢獻同付出,使教協穩步發展,隨即展開招聘總幹事嘅工作,歡迎有志者應徵。

睇番教協嘅招聘廣告,總幹事職責包括統籌並管理會務、協助理事具體策劃並執行理事會嘅決議等,應徵者要具備10年或以上相關經驗,具NGO管理經驗優先考慮。教協仲話總幹事要具領導才能,有責任感之餘,仲要細心及有耐性,要求好似擇偶咁。至於人工待遇,就視乎應徵者資歷及工作經驗喎。

上 / 下一篇新聞