港聞

港聞二

上一篇

麥美娟牛一 象嫂要封微信紅包

【明報專訊】工聯會立法會議員麥美娟(Alice,圖中)噚日生日,撞正立法會開會。Emily以為Alice安排好會議後慶祝,點知佢話即晚11點就要搭夜機去北京出席婦聯會議,原來佢大前日先特登喺北京飛返香港開立法會。Alice話自從侄女出世後,佢生日都會返屋企同家人一齊慶祝,佢希望噚晚早啲開完會,可以返屋企攬一攬侄女再趕飛機。工聯會立法會議員噚日準備咗蛋糕為Alice慶祝,Alice將張合照post咗上社交網站,多謝班兄弟,仲落埋標籤「生日返工是常識吧」、「由朝做到晚」。地產及建造界議員石禮謙同進出口界議員黃定光(象哥)喺立法會撞到Alice都有祝佢生日快樂。象哥仲搞笑咁話,佢太太、即係工聯會榮譽會長林淑儀,特登提醒佢今日係Alice生日,要畀微信紅包Alice。

上 / 下一篇新聞