港聞

港聞二

下一篇
上一篇

劉業強憶80年代 北京黑夜尋可樂

【明報專訊】特首林鄭月娥今個月10至12號會率領逾百名各界人士,就「國家改革開放40周年」訪問深圳及北京。鄉議局主席劉業強噚日同Emily講,佢都有收到邀請。劉業強話,諗番自己第一次返內地,已經係1980年代嘅事,憶述當時內地夜晚仲係烏燈黑火,仲未發展起嚟,好似北京港澳辦大樓、一環後面仲係一片農田。

友誼商店都無 改買啤牌留念

佢記得當時好想去買可樂飲,但周圍都搵唔到有可樂賣,去埋專售西方國家進口商品嘅「友誼商店」,都係買唔到;最後反而買咗副手工好精細嘅啤牌同「米雕」留念,佢住嗰間酒店啲員工仲對副啤牌好好奇,好似未見過咁。

幾廿年過去,劉業強話國家改革開放令人民生活富裕起來,香港喺當中參與好多,而香港過去嘅經濟增長,亦都有唔少係受惠於國家發展。

上 / 下一篇新聞