經濟

小琴密語

投資策略

下一篇
上一篇

友邦調查:一成打工仔有抑鬱徵狀

【明報專訊】友邦香港公布2018年「AIA Vitality最健康工作環境」調查,訪問咗41家公司合共2187名嘅員工,原來香港有成12.1%受訪打工仔出現中度或者嚴重抑鬱症病徵,另外有16%僱員喺調查前一星期因為健康理由請假,每名打工仔每年因病缺勤或帶病返工平均損失咗78.5日生產力,每家公司估計平均損失成本超過300萬𠻹!所以老闆們真係要注意員工健康啦!

受訪者逾兩成屬肥胖

調查顯示,29.6%受訪者每星期運動量少過150分鐘,比上年的62.9%大幅下降,而且每五名受訪者就有一個(21.4%)屬於肥胖,遠高過其他地方的13.6%,大家記得要多做運動喇。

友邦香港及澳門首席企業業務總監劉家怡表示,今次調查反映香港打工仔嘅健康狀况值得關注,而且有21.6%受訪公司完全冇為員工提供任何康體活動,未來可以採取唔同措施,令員工更加健康,提升生產力。

[小琴密語]

上 / 下一篇新聞