港聞

港聞二

上一篇

想追究陳健波 毛孟靜大會內會碰壁

【明報專訊】立法會財委會主席陳健波上周話,希望最多十幾個鐘就完成辯論「明日大嶼」前期撥款,被批評言論不當。民主派會議召集人毛孟靜先後向內務委員會尋求增加議程討論事件,同埋喺大會休會辯論,但前者就因為內會主席李慧琼話內會、財會無從屬關係而否決,後者就因為事件同政府無關,所以同樣不獲批。

毛孟靜批評李慧琼「做盡一切方法保護陳健波」,又話民主派𠵱家只能喺財委會提不信任動議,而陳健波身為主席,又可以決定幾時、點樣處理,係非常荒謬、可笑。陳健波噚日就回信畀提出不信任動議嘅公民黨郭家麒,話目前議程上多個項目有待審議,所以認為所有已編定嘅例會,同埋應政府要求嘅加開會議,都應該專門處理政府撥款建議,但佢亦已指示秘書處盡快舉行特別會議處理,可行情况下會喺「明日大嶼」撥款前舉行。

相關字詞﹕emily 不信任動議 李慧琼 郭家麒 公民黨 民主派 財委會 陳健波 毛孟靜 明日大嶼

上 / 下一篇新聞