經濟

小琴密語

投資策略

下一篇
上一篇

何猷龍家族發首隻澳門幣債

【明報專訊】「小賭王」何猷龍(圖)家族辦公室為首嘅黑桃資本,起咗壇一年,率先發澳門幣做單位嘅濠江債,一鋪發債20億銀澳門幣,創咗澳門第一隻本幣發行嘅債券先河。何公子呢着,正好為澳門醞釀搞濠江債市方面打頭炮,唔畀今年初當地以人民幣做單位嘅蓮花債專美。黑桃呢批濠江債券,債券期限有兩年,票面息有3.1厘,由澳門大豐銀行做獨家全球協調人同首席結構顧問。黑桃本身主要幫何公子管理私人資產同財富,亦會喺大灣區搵非博彩項目,投資項目包括房地產、消閒文化、醫療科技、環保。黑桃資本嘅總裁兼首席執行官譚志偉噚日喺澳門嗰邊話,今次創舉可望帶動對濠江債嘅需求,期待有更多濠江債發行。將來澳門又諗住大搞葡語系國家嘅特色金融,又唔知會唔會有黑桃份呢?

email:piano@mingpao.com

[小琴密語]

上 / 下一篇新聞