港聞

港聞二

上一篇

邊度多雀睇? 史維推介科大

【明報專訊】科技大學校長史維喺學術上係研究航天工程,個人興趣係拍攝天空上飛翔嘅雀鳥,佢噚日宴請傳媒講科大發展大計時,向在場記者奉上親筆簽名嘅個人雀鳥攝影集Flight InSight(圖)。EmiIy問校長,香港邊度多雀仔睇,佢不假思索話位處西貢嘅科大已經有好多唔同種類嘅雀鳥。近日風和日麗,史維話目前係影候鳥嘅好時機,仲話好想去米埔睇雀,可惜9月上任後一直忙住工作,未能抽空去郊外拍攝。

科大創校27年,國際排名處於前列位置,史維好客氣咁話,香港8間資助大學各有優勢,大家都在進步,其實唔使去爭第一名,而係爭取一齊去做一流大學,仲話大家可以互補合作做好。

上 / 下一篇新聞