港聞

港聞二

下一篇
上一篇

隨政協團上京 譚鐵牛自認跟班

【明報專訊】港區省級政協委員聯誼會近日正喺北京訪問,噚日先後與港澳辦主任張曉明、政協主席汪洋見面。呢類訪京團通常都會有中聯辦副主任或以上嘅官員做顧問隨行,呢團則由副主任譚鐵牛隨團,不過噚日汪洋開場白時,就話譚鐵牛係跟班、負責「拎包」,何解堂堂副主任會係跟班?

汪洋話,佢見到譚鐵牛時,問對方係咩角色,對方就話「他說他是跟班、拎包的」,汪洋話所以呢個訪京團「很牛」(即係好厲害咁解)、「拎包的就是鐵牛」,又形容個團有兩個團長、十幾個副團長,係「最牛」嘅代表團。汪洋話個團係牛嘅、係香港繁榮重要力量,亦係愛國愛港嘅重要旗幟。

聯誼會會長施榮懷會後引述汪洋,話中央會繼續堅持一國兩制,強調香港同內地係命運共同體,希望大家繼續對一國兩制及國家改革開放步伐有信心。至於見張曉明時,施榮懷就話,張曉明指特區政府有責任為《基本法》第23條立法,亦相信特區政府有能力處理。

相關字詞﹕訪京團 譚鐵牛 汪洋

上 / 下一篇新聞