經濟

小琴密語

投資策略

下一篇
上一篇

毛記股價跌穿「10毛」

【明報專訊】有「廢青股」之稱嘅100毛母公司毛記葵涌(1716),記得喺今年3月上市嗰陣,仲為一眾小股東帶來驚喜,掛牌當日股價一度真的衝破「100毛」(即10元),去到11.76元高位,差不多係招股價1.2元嘅10倍。

首日掛牌曾衝破「100毛」

不過,近排個市况咁差,好多新股、半新股嘅股價都插哂水,毛記噚日個股價仲跌穿1元,收報0.98元,「10毛」都無,跌幅達4%,見上市新低。

毛記上市嗰陣獲超額認購6288倍,遠遠拋離之前嘅第一位奧克斯(2080)成為歷來新股超購王,掛牌當日股價表現好似坐過山車咁,衝高完同日回落到低見5.61元,最終收市報6.38元。

毛記葵涌上市後變動都有唔少,好似幾個月前宣布停止出版印刷版本《100毛》,不過搞藝人活動方面就好積極,除咗之前幫「藝員」東方昇搞Talk Show,嚟緊仲搵咗藝人杜汶澤同另一台柱盤菜瑩子做舞台劇。

[小琴密語]

相關字詞﹕招股價 超購王 林日曦 廢青股 毛記葵涌 100毛

上 / 下一篇新聞