經濟

小琴密語

投資策略

下一篇
上一篇

星展帶頭 借錢毋須入息住址證明

【明報專訊】借錢可以唔洗入息證明?呢樣嘢將唔再係財仔嘅專利。自金管局今年初話可以放寬相關規例後,星展噚日宣布,日後無論新舊客,都唔洗提供住址及入息證明,單畀身分證就可以申請私人貸款及信用卡,係第一間響應嘅銀行。

唔洗入息證明,又可以點審批呢?星展就話會用環聯嘅數據去作評估,同時又會配合大數據分析。至於係咩大數據,佢地就唔肯講啦,只係話金融科技正迅速演變,相信呢項服務可以徹底顛覆客戶體驗,解決宜家申請程序嘅難題。

環聯數據評估 配合大數據分析

其實金管局今年推出新指引時,都講到明可以根據客戶嘅行為模式或者社交媒體平台去分析貸款風險。不過有業內人士就同小琴講,其實喺香港做呢樣嘢都有難度,因為呢類數據往往涉及私隱,唔係人人都肯畀出嚟。

email:piano@mingpao.com

[小琴密語]

相關字詞﹕免入息證明 金管局 星展 小琴 小琴密語

上 / 下一篇新聞