港聞

港聞二

上一篇

陳智思:投資初創首重態度

【明報專訊】行會召集人陳智思(Bernard)本身係亞洲金融集團總裁,除咗政治之外,佢對投資、商業都有唔少睇法。Bernard噚日出席一個分享會時大談投資初創企業心得,話創業者一定要親力親為;啲公司向佢推銷生意嘅時候,佢會睇重態度多過對方研究嘅科技範疇,而佢投資時都鍾意自己落手做,強調執行好重要。

唔請工人免囝囝唔做家務

被問到有冇自己落埋手做家務,Bernard就話老婆喺囝囝細個時,已要求唔請工人,以免兩個囝囝唔識做家務;嗰陣佢都有擔心,但到𠵱家佢哋最多都係請鐘點工人打掃,睇嚟Bernard真係好聽老婆話。

Bernard又喺座談會分享,話近年總共投資咗10幾間新公司,𠵱家都同3間初創企業傾緊合作。佢仲話除非公司業務同金融有關,否則佢唔會持有多過兩成股權,因為創業者本身要持有大份額嘅股權,先會有動力做好公司。

相關字詞﹕企業 政治 行政會議 初創企業 科技

上 / 下一篇新聞