港聞

港聞二

下一篇
上一篇

「第二階段綠化」 公民廣場平台建花槽

【明報專訊】俗稱「公民廣場」嘅政府總部東翼前地去年底重開,但旗杆平台就擺滿盆栽。民主派立法會議員區諾軒噚日路經政總,發現平台圍咗板,不禁疑惑「又想整乜?」從Emily同事拍攝嘅相片所見(圖),平台之前擺放嘅花盆已經唔見晒。行政署回覆Emily話,早前喺嗰度開展綠化計劃,包括旗杆平台放花盆,現時做嘅係第二階段綠化工作,以固定花槽代替花盆,同埋增加土壤、加設排水管道,以改善種植環境、達至更佳綠化效果。工程期間,該處舉行嘅升旗儀式亦會暫停。

行政署強調工程期間會如常按程序處理市民或團體周日、公眾假期喺該處集會嘅申請,會盡量減少工程對公眾集會影響;又話用東翼前地舉行集會嘅條件列明,參加者喺活動期間,唔可以喺旗杆平台站立或擺放物件,所以改善工程唔會影響該處公眾集會。

上 / 下一篇新聞