港聞

港聞二

下一篇
上一篇

張建宗允爭取 港辦無家者世界盃

【明報專訊】2018無家者世界盃11月中喺墨西哥城舉行,政務司長張建宗噚日出席港隊授旗禮時提到,希望香港成為亞洲首個主辦無家者世界盃嘅地方,令隊員有主場之利,仲可能有機會攞大獎。

司長都明白香港要做到主辦仲有啲困難,但表明一定會爭取,重新審視政策上嘅障礙,財政方面就希望馬會可幫手。

多年嚟喺香港推動無家者世界盃活動嘅社協社區組織幹事吳衛東認為政策方面困難不大,因以前佢同政府部門傾過,得到嘅回應都好正面;最主要困難係錢,估計開支要3000萬,但見馬會噚日都持開放態度。吳衛東話香港由2005年參賽至今,好希望見到我哋可以做一次主辦。

上 / 下一篇新聞