港聞

港聞二

上一篇

區諾軒變港島「萬能key」

【明報專訊】因為香港眾志周庭被DQ,民主派區諾軒「頂上」參加3.11補選,當選成港島區立法會議員,至今佢不屬任何政黨,但喺港島街頭經常見到唔同泛民政黨、傘兵,以至獨立嘅地區工作者,同佢「孖頭」嘅橫額出現,例如工黨社區幹事何偉倫要求徹查沙中線,到傘兵葉錦龍「要求水務署全面檢查區內水管狀况」嘅banner,都有佢一齊。區諾軒同Emily講,佢係兌現選舉承諾,將議席擺放喺民主派社區發展為本。

區軒話,全港島區佢一共有175個橫額位置,基本上都係畀當區地區工作者使用,因為佢做區議員前都曾經服務地區,對於地區工作者無位宣傳感同身受。

橫額位畀地區工作者用

佢話自己「無黨派有無黨派優勢」,就係比較容易同不同派別合作,又話愈多議員咁做,愈能夠令民主陣營歸一。佢笑言自己係「萬能KEY」,已合作嘅地區工作者包括民主黨、公民黨、工黨、傘兵、獨立人士等。

相關字詞﹕立法會 區諾軒

上 / 下一篇新聞