港聞

港聞二

下一篇
上一篇

早前右耳失聰 現偶爾耳鳴 54歲生日 莫乃光冀身體健康

【明報專訊】專業議政立法會議員莫乃光(Charles)54歲牛一,建制派或民主派議員見到佢都講聲生日快樂。Charles今年7月右耳突然失聰,引起關注,佢噚日同Emily講,話今年生日願望係身體健康,目前右耳情况已經回復正常,但有時唔夠瞓都會有啲耳鳴,所以都會爭取時間多休息。

Charles議員辦公室一班職員噚日特登為佢準備生日蛋糕慶祝,同屬專業議政嘅教育界葉建源就喺立法會大樓平台同佢合照,兩人分別舉起5隻同4隻手指,象徵54歲;公民黨黨魁楊岳橋亦預備蛋糕畀Charles,佢喺ig上載同對方合照時仲講笑話送張公民黨入黨表格畀佢做生日禮物。Charles話,現時卸任咗民主派會議召集人,都可以減輕吓工作量,雖然噚日生日由朝到晚都要喺立法會開會,但大部分人其實一星期都要返5日工,生日返工好正常,佢噚晚7點幾開完會後,就同老婆食飯慶祝。

相關字詞﹕莫乃光

上 / 下一篇新聞