港聞

港聞二

下一篇
上一篇

麥美娟帶王國興汗味公仔做見證

【明報專訊】工聯會王國興雖然已經唔係立法會議員,但佢嘅「餘溫」仍然喺議會流傳。Emily講緊嘅,係立法會噚日審議侍產假由3日增至5日嘅條例草案,工聯會麥美娟(Alice)發言期間攞出一隻由王國興做議員時已經帶入議會嘅BB公仔道具。Alice話以前一日侍產假都無,王國興當年就係帶住呢隻公仔,一直向政府爭取,最後先有今日成果,仲話公仔身上仍然留有王國興嘅汗味咁話。

Alice黨友郭偉强之後發言時,形容呢隻公仔係一個見證,毋庸置疑地證明侍產假係工聯會嘅「親生仔」。

郭偉強喺會議廳外笑言,呢隻公仔已經10年無「冲涼」;至於仍然係「黃花閏女」嘅Alice,應記者要求同公仔合照時,就以單手揸住呢隻BB道具嘅腰間,抱B手勢似乎唔太正確,佢話自己連侄仔侄女都唔會多抱,更多時間係同佢哋玩,或者因為咁所以無乜經驗。

相關字詞﹕麥美娟 王國興

上 / 下一篇新聞