經濟

小琴密語

投資策略

下一篇
上一篇

康宏環球兩董事一年就唔do

【明報專訊】康宏環球(1019)執行董事黃雪輝同獨立非執行董事宦國蒼均於10月22日,即本周一起辭任,兩人均未做夠一年就離職。當中黃雪輝因為要投放更多時間喺康宏,支持人力資源職能,所以唔撈董事。

宦國蒼就因為要投放更多時間喺其他事業而呈辭。但件事妙就妙在,康宏一直未見發過公告講已委任宦國蒼做獨董,但自從喺1月16號嘅公告,即見宦國蒼個大名出現,仲話會盡快發公告交代宦國蒼嘅履歷,之後嘅公告就話會就委任宦國蒼另發公告。誰不知,一講由自可,一發公告就話宦國蒼唔do,仲詳細交代番宦國蒼喺匯豐同花旗做過等等事迹,認真騎呢。更奇嘅喺,宦國蒼都唔做,份公告𠵱家先交代番,原來宦國蒼曾同康宏執行董事吳榮輝一齊喺博智資本旗下經營一間私人資本基金,隻基金竟閒置8年!𠵱家仲交畀兩人有份做董事嘅公司清算。又因宦國蒼已自2010年起無喺博智參與營運,講明宦國蒼真係有獨立性。人哋都唔做,唯可講嘅,講咗好過無講!

[小琴密語]

上 / 下一篇新聞