港聞

港聞二

下一篇
上一篇

出盡法寶鼓勵 公院醫護打針請食魚蛋

【明報專訊】天氣漸涼又係時候打流感疫苗,今年各公立醫院出盡法寶鼓勵醫護打針,Emily聽落最吸引嘅就係有醫院打完針有魚蛋食!

集齊同事 可叫「外賣」疫苗

舊年搞比賽推高接種率嘅沙田威爾斯醫院,今年出招溫暖人心,打針會送熱飲券。屯門醫院就送筆同襟章,喺canteen擺檔打針之餘,仲有「外賣」,只要部門集齊同事,就可以叫「外賣」疫苗,有小隊上部門打針,唔使忙碌嘅醫護花時間走去Staff Clinic。

至於瑪麗醫院都有出招,香港大學感染及傳染病中心總監何栢良話,打咗針嘅同事有得揀要維他奶或曲奇,佢仲親自幫人打針兼拍埋片,宣傳打針其實係唔痛嘅。

綜觀唔同公院嘅招數,Emily覺得最吸引係東區醫院,有得食魚蛋!打完針可獲換領券,可以去院內社企「家廚」,換8粒魚蛋或8粒燒賣或1支飲品。換領券仲寫咗句「讚賞您接種流感疫苗,來保護自己及關愛他人」。連續5年打針嘅仲有襟章送𠻹!

上 / 下一篇新聞