經濟

小琴密語

投資策略

下一篇
上一篇

屈臣氏1700款商品 餓了麼線上銷售

【明報專訊】現時實體零售店同電商嘅關係愈黎愈緊密,阿里巴巴旗下餓了麼宣布,會同長和(0001)旗下屈臣氏合作,日後餓了麼平台會線上銷售屈臣氏旗下1700款商品,涵蓋個人護理與美妝、日常應急、洗護用品。屈臣氏現時近1600間內地門店已經接入咗餓了麼平台,覆蓋230個城市,預計年底前會有2500間門店接入。

其實餓了麼同屈臣氏早喺今年3月已經開始籌備合作,今年6月,兩家公司完成對接平台系統,整合咗啲訂單處理、物流狀態、庫存資料等系統,7月中下旬,就係廣州部分屈臣氏門店做試點,線上銷售屈臣氏商品,相關門店9月交易額按月增長超過115%。

另外,今年年初,阿里巴巴集團旗下天貓、菜鳥已經同屈臣氏聯手推出「定時達」服務,屈臣氏200多間內地門店變身「前置倉」,為3公里內嘅網購消費者送貨,最快2小時送達,今次合作後,可以將時間縮短到唔夠1小時。

[小琴密語]

上 / 下一篇新聞