經濟

小琴密語

投資策略

下一篇
上一篇

富途證券傳美上市

【明報專訊】近年騰訊(0700)有份投資嘅公司都陸續上市,舊年有閱文集團(0772),今年就有美團點評(0369)等,噚日就有外電話,騰訊有份投資嘅互聯網券商富途證券遞交美國上市申請,集資規模至少達到3億美元(約23.4億港元),不過小琴問到行政總裁鄔必偉,佢就好快咁收線;加上之後又有其他內地媒體話消息不實。

路透報道話,美銀、高盛同瑞銀會負責安排今次富途美國上市。雖然鄔必偉曾經揚言「公司上市首選地係香港」,但係講多無謂行動最實際,港股呢排表現差,揀美國上市都唔係壞事,小琴噚日打電話畀鄔必偉,諗住問下佢上市事宜,但係鄔必偉話自己忙緊就收咗線。

不過外電報道好詳盡,話富途證券上年淨虧損達到5580萬元,2016年淨虧損高達1.164億元,知情人士指今次IPO嘅條款尚未最終確定,籌資規模等相關細節仲有變數。

email:piano@mingpao.com

[小琴密語]

上 / 下一篇新聞