港聞

港聞二

上一篇

教大多元文化日 交換生齊齊行catwalk

【明報專訊】噚日喺香港教育大學,出現咗好多唔同種族嘅面孔。原來教大舉辦每年一度嘅「多元文化日」,學校嘅國際生同交換生喺中央廣場聚首一堂,佢哋來自荷蘭、奧地利、澳洲、挪威、丹麥、瑞士、瑞典、法國、芬蘭等18個國家及地區。

趁住呢個機會,佢哋精心佈置富有民族特色嘅攤位,同一眾老師、香港學生分享佢哋家鄉嘅特色小食,就好似有日本學生整咗燒餅,有挪威學生嘅家人帶咗當地獨有嘅Brown Cheese(棕色乳酪)過嚟。

除咗分享美食之外,亦有學生穿上代表自己國家或地區嘅服飾,戴有仲夏花環,拎住自己國家嘅國旗行catwalk;仲有民族舞蹈、傳統樂器表演,吸引咗好多教大生駐足觀看。

上 / 下一篇新聞