港聞

港聞二

下一篇
上一篇

盼捕捉習主席車隊撲空 攝記登大嶼山嶺 阿sir早到一步

【明報專訊】港珠澳大橋噚日喺珠海舉行開通儀式,由於一直唔知道國家主席習近平會唔會坐車來港,據Emily所知,唔少攝影記者噚日清晨一早爬上大嶼山深屈灣(大澳東北面)對上的山嶺,希望習近平車隊一旦駛過,可以喺度捕捉到車隊喺橋上駛入香港嘅一刻,包括本報手足,真係辛苦晒。

有趣嘅係,正當一眾攝記以為此山嶺極度偏僻,未料上到山上即見到大批阿sir已經早着先機,早一步駐守呢個制高點,仲帶埋營幕等裝備以策萬全。結果阿sir同記者們等待咗一個清晨,終發現習主席應該唔會搭車到港喇,攝記們聽到阿sir都話撤退時,就一齊完成咗噚日嘅登山行程,返落山再影其他靚相喇。

上 / 下一篇新聞