港聞

港聞二

下一篇
上一篇

珠海北京河北日本 林鄭停不了

【明報專訊】特首林鄭月娥自上任後就不停外訪,最常去嘅地方係北京。佢今日喺珠海出席港珠澳大橋開通儀式之後將飛北京;下星期一(29日)又會去日本訪問5天,真係馬不停蹄。

林太噚日下晝率領包括政務司長張建宗在內嘅高層官員去珠海,出席今朝喺珠海口岸旅檢大樓舉行嘅港珠澳大橋開通儀式,儀式後佢先返港,傍晚飛北京,聽日會出席第四次「京港合作會議」同第22屆「北京‧香港經濟合作研討洽談會」開幕儀式。喺北京期間佢亦會拜訪中央部委同市領導。

去完北京,林太星期四(25日)隨即又轉到河北,同省領導會面和考察,當日傍晚返港。北京同河北之行,財政司長陳茂波、商務及經濟發展局長邱騰華、政制及內地事務局長聶德權、特首辦主任陳國基都會隨行。林太離港期間,由政務司長張建宗署理特首職務。

下周訪日5天

林太下星期一至星期五出訪日本,其間會見日本政府高級官員同唔同部門嘅人,又會出席貿發局舉辦嘅「邁向全球、首選香港」嘅商業推廣活動。

相關字詞﹕訪京 林鄭月娥

上 / 下一篇新聞