港聞

港聞二

下一篇
上一篇

內地港珠澳橋首發團 去東涌去迪園去尖嘴

【明報專訊】港珠澳大橋本周三(24日)通車,本港旅遊巴公司同旅行社都急急腳推出「首發團」,內地亦都把握商機,乘勢推出「首發團」。

廣東省拱北口岸中旅社噚日喺網站宣傳,話大橋周三朝早9點通車,珠海、本港同澳門三地口岸實行24小時通車同通關,通車當日已經有首發團,畀大家搶先親身感受「宏偉壯闊嘅世紀工程」!其中有首發團專車直達香港迪士尼樂園,團費包埋樂園全日遊每人盛惠698元人民幣,仲有價值500港元嘅迪士尼禮品包贈送。

另外亦有每人298元人民幣嘅首發團,嚟本港東薈城純玩一日;又或者每人199元人民幣,可以經大橋來港「暴走」購物天堂,去尖沙嘴掃貨。呢堆「首發團」望落好似幾吸引,不過Emily有啲擔心,到時會唔會有好多人,迫爆旅遊景點同商場呢?

上 / 下一篇新聞