港聞

港聞二

下一篇
上一篇

罕有受訪 葉錫安 由律師講到馬

【明報專訊】講到葉錫安,好多人都會諗起佢係馬會主席,早前榮休,佢過去好少接受訪問,馬會新一期《駿步人生》就訪問咗佢。

六四後做議員 為香港做事

葉錫安喺訪問分享佢1972年由英國回流香港做律師行,80年代成為律師會會長同基本法諮詢委員會成員,1989年律師會公職屆滿,原以為可功成身退,點知發生六四事件,佢當時覺得「香港失了希望,好像很絕望」,就想為香港做啲嘢。喺1991至95年,佢循法律界功能組別,做咗立法局議員。

葉錫安話細個已好鍾意馬,1973年成為馬會會員,以個人同團體成員名義先後有過大概30匹馬。佢話人生第一匹馬叫「馬英雄」,原本有幾場都唔肯跑,賠率達30幾倍,點知有場爆冷跑第一,令佢至今難忘。

2014年做馬會主席,葉錫安落實四大慈善策略範疇,即青年、長者、體育和藝術文化及保育。講到作為領袖,葉強調要願意聆聽同學習,仲要體恤、幫助市民。

相關字詞﹕六四事件 葉錫安 馬會

上 / 下一篇新聞