港聞

港聞二

下一篇
上一篇

細路獻意念 共融遊樂場年尾玩得

【明報專訊】講咗好耐嘅屯門共融遊樂場預計今年第四季開放喇,公園最特別嘅地方係採用咗細路仔嘅意見,而且有好多設計都細心考慮到唔同小孩嘅需要。

特色鞦韆滑梯 傷健有得玩

為咗了解用家,即係一班細路仔嘅諗法,設計團隊之前就到屯門區仁愛堂田家炳中學同匡智屯門晨輝學校,同參加咗「小小遊樂場專員培育計劃」嘅同學仔見面。其中仁愛堂田家炳中學學生馬煒筠嘅設計被應用咗喺「蜥蜴觸感牆」,意念係模仿蜥蜴嘅棲息地原貌;匡智屯門晨輝學校學生李永青嘅「蛇眼」意念亦應用咗喺觸感牆,李同學話佢覺得動物嘅眼睛都生得好唔同,而蛇嘅眼睛好細,好少人留意,佢就專登選擇咗蛇眼。兩個同學都對意念被採用感到好開心。

成個場有7個遊玩主題區,其中Emily對個特色鞦韆幾有興趣,現時唔係好多地方有鞦韆,屯門共融遊樂場唔單止設置咗3款特色鞦韆,其中一款仲係配備安全帶嘅座椅型鞦韆,啱晒行動不便嘅小朋友。另外有款滾筒式滑梯,適合坐輪椅嘅小朋友,畀佢哋體驗玩滑梯嘅樂趣。

上 / 下一篇新聞