港聞

港聞二

下一篇
上一篇

譚凱邦函奧雅納總部 投訴港董事

【明報專訊】團結香港基金8月公布「強化東大嶼都會」計劃,提出中部水域填海2200公頃造島,但建議一出,引起唔少爭議,尤其係喺颱風時候人工島能否抵擋海浪。環保觸覺義務總幹事譚凱邦噚日喺facebook話,已經向被委託做「強化東大嶼都會」計劃初步評估嘅奧雅納嘅英國總部,投訴奧雅納香港嘅董事劉偉棠所指「風浪唔識轉彎」、「交椅洲嘅浪只有兩米」嘅言論,話呢啲言論未有顧及專業同科學性。

劉偉棠噚日喺本報觀點版撰文釐清佢嘅觀點,佢話有用電腦模擬若有颱風襲港,南中國海產生嘅10米湧浪嚟到香港中部水域,因為擔桿列島充當屏障,浪嘅高度會降至約2米。佢重申呢個情况只係例子,唔代表任何時間「強化東大嶼都會」附近水域嘅波浪都唔超過2米,又話中部水域一帶唔深水又有天然屏障,令填海工程慳唔少錢。

相關字詞﹕強化東大嶼都會 譚凱邦 奧雅納 團結香港基金

上 / 下一篇新聞